އާންމު ސުވާލު
- ވޯޓު ކަރުދާހުގައި އަމިއްލައަށް ފާހަގަ ޖެހުމަށް ޖިސްމާނީގޮތުން ނުކުޅެދިގެންވާ މީހަކަށް ވޯޓު ކަރުދާސްކޮޅުގައި ފާހަގަ ޖަހައި ދިނުމަށް އެހީތެރިވެދެވޭނީ ކޮންބަޔަކަށް؟
ޖ: އެ ވޯޓުފޮށްޓަށް ވޯޓުލުމަށް ރަޖިސްޓަރީކޮށްފައިވާ މީހަކަށް
2. ވޯޓު ކަރުދާހުގައި އަމިއްލައަށް ފާހަގަ ޖެހުމަށް ޖިސްމާނީގޮތުން ނުކުޅެދިގެންވާ މީހަކަށް ފާހަގަ ޖަހައި ދިނުމަށް އެހީތެރިވެ ނުދެވޭނެ ފަރާތްތަކަކީ ކޮބާ؟
ޖ:
- ވޯޓުލާ މަރުކަޒުގައި ވޯޓުނެގުމާބެހޭ ކަންތައްތައް ބަލަހައްޓާ މީހުންގެ ތެރެއިން މީހަކު،
- ކެންޑިޑޭޓެއް
- ކެންޑިޑޭޓެއްގެ މަންދޫބެއް
- އޮބްޒާވަރެއް
- މޮނިޓަރެއް
3. ވޯޓު ކަރުދާހުގައި ފާހަގަ ޖެހުމަށް ޖިސްމާނީގޮތުން ނުކުޅެދިގެންވާ މީހަކަށް ފާހަގަ ޖަހައި ދިނުމަށް އެކަކަށް އެހީތެރިވެދެވޭނީ ކިތައްފަހަރު؟
ޖ: 1 ފަހަރު
4. ވޯޓު ކަރުދާހުގައި ފާހަގަ ޖެހުމަށް ޖިސްމާނީ ގޮތުން ނުކުޅެދުންތެރިކަން ހުރި މީހުން ކަމަށް ބަލައިގެން އެހީތެރިކަން ފޯރުކޮށްދެވޭނީ ކޮން ފަރާތްތަކަކަށް؟
ޖ:
- ލޯ ފަން މީހުން ނުވަތަ ލޮލަށް ނުފެނުމުގެ ސަބަބުން ވޯޓު ކަރުދާހުގައި ފާހަގައެއް ޖެހޭވަރު ނުވާ މީހުން
- ދެއަތް ބޭނުން ނުކުރެވޭ މީހުން
- މުސްކުޅިވެ ގައި ބާރު ދެރަވުމުގެ ސަބަބުން އެމީހެއްގެ އަތުން ވޯޓުކަރުދާހުގައި ފާހަގައެއް ޖެހޭވަރު ނުވާ މީހުން
- ބަލިހާލު ހުރި ގޮތުގެ ސަބަބުން ވޯޓު ކަރުދާހުގައި ފާހަގައެއް ޖެހޭވަރު ނުވާ މީހުން
5.ވޯޓު ދިނުމުގެ ހައްޤު ލިބިގެންވަނީ ކޮންބަޔަކަށް؟
ޖ: އެ އިންތިޚާބެއް އޮންނަ ތާރީޚަށް 18 އަހަރުފުރިފައިވާ ކޮންމެ ދިވެހިރައްޔިތަކަށް
6. ވޯޓު ދިނުމުގެ ޙައްޤު ލިބިފައިވާ މީހުންގެ ރަޖިސްޓަރީގައި ކޮންމެހެން ހުންނަންޖެހޭ މަޢުލޫމާތުތަކަކީ ކޮބާ؟
ޖ: ފުރިހަމަ ނަން، ދާއިމީ އެޑްރެސް، ޢުމުރު، ޖިންސު، އައިޑީކާޑް ނަންބަރު
7. ވޯޓު ދިނުމުގެ ޙައްޤު ލިބިފައިވާ މީހުންގެ ރަޖިސްޓަރީގައި ހިމަނާ މަޢޫލޫމާތުގެ މައިގަނޑު މަސްދަރު ބިނާވަނީ ކޮން އިދާރާއަކުން ގެންނަ މަޢުލޫމާތަކަށް؟
ޖ: ޑިޕާޓްމަންޓް އޮފް ނޭޝަނަލް ރަޖިސްޓްރޭޝަން
8.ދިވެހިރާއްޖެ ބެހިފައިވަނީ ކިތައް އިދާރީ ދާއިރާއަށް؟
ޖ: 21 އިދާރީ ދާއިރާ
9.ލޯކަލް ކައުންސިލްތަކުގެ އިންތިޚާބުތަކުގައި އަމިއްލަގޮތުން ވާދަކުރާ ކެންޑިޑޭޓުން އެޕްލިކޭޝަން ފޯމާއެކު ހުށަހަޅަންޖެހޭ، އެ ދާއިރާއަށް ވޯޓުލުމުގެ ޙައްގު ލިބިގެންވާ މީހުންގެ ސޮއިގެ އަދަދަކީ ކޮބާ؟
ޖ: 50
10.ސިޔާސީ ޕާޓީއަކުން ވަކިވާން ބޭނުންނަމަ ފުރަތަމަ ހަދަންޖެހޭ ގޮތަކީ ކޮބާ؟
ޖ: ޕާޓީގެ މެންބަރުކަމުން ވަކިވުމަށްއެދި އެ ޕާޓީއަކަށް ސިޓީއަކުން ހުށަހެޅުން